မင်္ဂလာပါရှင်.. ဒီဘလောဂ်လေးကို ၂၀၀၆ သြဂုတ်လမှာ စတင်ရေးခဲ့ပါတယ်။ အခုတော့ အိမ့်ချမ်းမြေ့ဒေါ့ကွန်းမှာ စာတွေ ဆက်ရေးနေကြောင်းပါ...။
လာလည်သော လူနည်းစု မောင်နှမများကို ကျေးဇူးတင်ပါတယ်ရှင်။

Monday, January 12, 2009

လူကြုံ

“တီတီ.. တီတီ..”

“Phone call for you Madam”

“ကျေးဇူးတင်ပါတယ်ညီမ”

“ဟလို… ဟုတ်ပါတယ်ရှင်.. ”

“ရှင်.. ဟုတ်ကဲ့၊ အစ်မ reception မှာထားခဲ့တဲ့ လူကြုံပစ္စည်းရပါတယ်။ စိတ်ချပါ၊ ယူသွားပေးပါ့မယ်ရှင်။”

“ရှင်.. reception မှာထားခဲ့တဲ့ ပစ္စည်း ရ၊ မရ ကျွန်မ အစ်မကို ဖုန်းဆက်ပြီး အကြောင်းမပြန်လို့ အစ်မ ခုလို ကျွန်မဆီ ဖုန်းဆက်မေးရတာ ဟုတ်လား”
(အဲတော့… ဒီပစ္စည်းကို ဒီဟိုတယ်ကလူတွေက မပေးပဲ ယူထားမယ်များထင်နေလို့လားမသိ။ လူကြုံပစ္စည်း reception မှ တဆင့်ရတိုင်း ဖုန်းပြန်ဆက်ပြီး ရကြောင်းပြောရမယ်ဆိုရင်.. အင်း ဟိုတယ်က တစ်မိနစ်ကို ဒေါ်လာနဲ့ တောင်းတော့ လူကြုံအယောက်သုံးဆယ်လောက်ကို ပစ္စည်းရကြောင်းသာ အကြောင်းပြန်ရမယ်ဆိုရင်.. ဘုရားဘုရား.. ငါတော့ …)

“ဟုတ်ကဲ့ ယူသွားပေးပါ့မယ်”
(ယူသွားပေးမယ်လို့ ပြောပြီးပြီလေ)

“သြော်.. ဒီနာမယ်က.. ဆွေမျိုးတွေခေါ်တဲ့ နာမယ်ပါ။ ကျွန်မနာမယ်အရင်းက…. ပါ”
(verify လုပ်ဖို့ နာမယ်တွေဘာတွေ ချရေးမှတ်ထားလိုက်ပြီထင်တယ်.. ဒါရုံးအလုပ်လုပ်နေတာ မဟုတ်ဘူးလေ။ ဒါ.. စေတနာနဲ့ ပစ္စည်းလူကြုံ သယ်ပေးနေတာလေ.. ခက်တော့တာပဲကွယ်..)

“စိတ်ချပါ… ယူသွားပေးပါ့မယ်”
(How many times do I have to repeat myself? ယူသွားပေးမယ် ပြောပြီးပြီ။ ပုဆိုးလေးတစ်ထည်။ အထဲမှာ ဘာတွေထည့်ထားလဲ သံသယတောင်ဖြစ်လာပြီ…)

သြော်.. ဆောင့်ကြီးအောင့်ကြီး ဖုန်းချသွားပြီ။ ကျေးဇူးတင်တယ်တောင် မပြောပါလား။ ကိုယ့်ဟာကိုယ်ပဲ ယူအာဝဲလ်ကမ်းပဲ ပြောပစ်လိုက်တော့မယ်… ဟွန်းဟွန်း ။

***********


“လာလာညီမလေး”

“အင်း၊ နေကောင်းတယ်။ ညီမလေး အစ်မအတွက် ဒီပစ္စည်း ယူသွားပေးလို့ရတယ်။ ဒါပေမယ့် ဒီပုလဲတွေ၊ ကျောက်တွေတော့ သယ်လို့မရဘူး။ ဘောက်ချာနဲ့သေသေချာချာဆိုရင်တော့ သယ်သွားပေးမယ်ညီမ”

“မရဘူးညီမလေးရဲ့။ ဒီက အထွက်တစ်ခုထဲမဟုတ်ဘူး၊ ဟိုကို အ၀င်ကိုပါခက်မယ်။ အစ်မ တရားမ၀င်တာ မလုပ်ရဲဘူး”

“ညီမလေးရဲ့အစ်မ ဟိုမှာ နားကပ်ဝတ်စရာ မရှိလို့ဟုတ်လား၊ ဟိုမှာလဲ ရှိပါတယ်ကွယ်။ နောက်ဟိုမှာက ဒီမှာလို လက်ဝတ်ရတနာတွေကို သိပ်မ၀တ်ကြဘူး။ ”

“ရှင်…”

“အဲ…”
(ဘုရား ဘုရား)

“အစ်မ နားက ၀တ်ထားတဲ့ နားကပ်ကိုချွတ်ပြီး ညီမရဲ့ အစ်မတွက် ဒီနားကပ်ကို ၀တ်သွားပေးရမယ် ဟုတ်လား။”
(သြော်… ငါ့နားကပ်လေး ထားခဲ့ရမယ်တဲ့၊ ဘယ်သူနဲ့ထားခဲ့ရမှာလဲ၊ လှုပစ်ခဲ့ရအောင်လဲ ဒီလောက် မချမ်းသာဘူး၊ ခက်လိုက်တာနော်)

“အဲဒါတော့ မဖြစ်လို့ပါညီမ။ ကျန်တာယူသွားပေးမယ်နော်”

“ရှင်.. တစ်ခြားလူတွေ ယူသွားပေးတာပဲဟုတ်လား။ အစ်မတော့ မယူရဲဘူး။”
(ဆောင့်ကြီးအောင့်ကြီးပါလားကွယ်။ ဖြည်းဖြည်းပြောလဲရပါတယ်)

***********


“တီတီ… တီတီ…”

“ဟလို”

“သြော်.. အောက်မှာ ဧည့်သည်ရောက်နေတယ်လား၊ ကျေးဇူးပဲကွယ်.. အပေါ်ကို လွှတ်လိုက်ပေးပါနော်.. ”

“ဟယ်.. မမ.. လာလာ အထဲဝင်၊ မမ.. မမ က မတွေ့တာကြာလို့ထင်တယ်.. အရမ်းချောလာတာပဲ။”

“ဟုတ်တယ်နော်.. ညီမလေးတို့ ငါးနှစ်လောက်မှ တစ်ခါတွေ့ရတာ…”

“ညီမလေးတွက် ၀ယ်မလာပါနဲ့ မမရယ်။ ဒါပေမယ့် စာအုပ်ဆိုရင်တော့ ယူမယ် မမ.. အဟီး”

“ဟင်.. ဟိုတစ်ခါက လူကြုံနဲ့ ထည့်ပေးလိုက်တယ်ဟုတ်လား။ တစ်ခြားဟာတွေကောပဲ ဟုတ်လား။ မရဘူးမမ။ လ္ဘက်တစ်ထုပ်တောင် မရဘူး။ ဘာမှကို မရတာ။”

“ရှင်.. အားလုံးတွက် သုံးသောင်းဖိုး ၀ယ်ပေးလိုက်တာ ဟုတ်လား။ တစ်ခုမှ မရဘူး မမ။”
(ဒီလူ့ ဒီလူတွေ ပြန်မတွေ့ဘူးထင်လို့များလား၊ ပြန်မကြားဘူးထင်လို့များလား၊ သူတို့အလှည့်ကျတော့ လုပ်ရက်လိုက်တာ၊ မသယ်နိုင်ရင် မသယ်နိုင်ဘူး ပြောရောပေါ့။ ကိုယ်တို့တွက် ဘာပစ္စည်းမှ မြန်မာပြည်က ဆွေမျိုးတွေ ထည့်မပေးလိုက်တဲ့ပုံမျိုး ခပ်တည်တည်နဲ့ နေရဲတဲ့ သတ္တိ ကိုယ်မွေးဦးမှ)

“မမ.. နောက်တစ်ခါတော့ ညီမလေးတွက် ပိုက်ဆံကုန်ခံပြီး လူကြုံပစ္စည်း မထည့်ပေးနဲ့တော့၊ ဘာတစ်ခုမှ မရဘူး။ ဘာလုပ်ပစ်လဲမသိဘူး။ ၀ယ်မပေးပါနဲ့တော့ မမရယ်။”

“အင်း ဟုတ်တယ်၊ ဒါ ဟိုကလူတွေအတွက် လူကြုံပစ္စည်းတွေလေ၊ ဒီကပေးတဲ့လူတွေက အားနားပါးနာနဲ့ သယ်ပေးတဲ့ ညီမလေးအတွက်တော့ ထည့်ပေးကြပါတယ်။ ဟိုကလူတွေအတွက် လ္ဘက်က ဆယ်ထုပ်ဆိုရင် ညီမလေးတွက် တစ်ထုပ်ကြီးများတောင်၊ ဟိဟိ။ တစ်ချို့ကတော့ အားနားပါးနားနဲ့ သယ်ပေးသူကို လက်ဆောင်လေးဘာလေး ထည့် ပေးဖို့လား.. ဟင့်အင်း စိတ်ကူးထဲကို မထည့်ပါဘူး။ လိုချင်လို့ ပြောနေတာ မဟုတ်ပါဘူး။ ဒါပေမယ့် သယ်ပေးတဲ့အတွက် အနည်းဆုံးတော့ အသိမှတ်ပြုစေချင်တယ်။ ကျေးဇူးတင်တယ်လို့ပြောဖို့ နေနေသာသာ။ ပစ္စည်းအကုန်သယ်မသွားပေးလို့ အအော်မခံရရင်တောင် ကံကောင်း မမရဲ့။ ဟိုကလူတွေကလား.. ဟင်းဟင်း… သယ်လာပေးတာ ကျေးဇူးလို့ မပြောတဲ့အပြင်၊ ဒီလောက်ပဲ သယ်လာပေးရလား၊ ကျန်တာတွေ ဘာလို့ချန်ခဲ့တာလဲ၊ နည်းသေးတယ်လို့ ပြောလိုက်ဦးမှာ။ သိလား။”

“ညီမလေး ၀ယ်ထားတဲ့ ပန်းပုတွေ၊ စာအုပ်တွေ၊ အဘိဓာန်တွေ ထားခဲ့ရမယ့်ပုံပေါက်နေပြီဆိုရင်တော့ မဟုတ်သေးဘူးထင်တယ်လား။ အင်း ဟုတ်တယ်၊ ခရီးကလဲ တစ်ထောက်နားဦးမယ်။ ပေါင်တွေလဲ ပိုနေပြီ။ ညီမလေးကိုက မပြတ်သားတာပါလေ။ အစကတည်းက သူတို့တွေလို တစ်ယောက်ကို တို့တွေကတော့ လူကြုံပစ္စည်း နှစ်ပေါင်ပဲ သယ်မယ်ဟေ့ ဆိုပြီး ကြွေးကြော်ခဲ့ရင် အကောင်းသား။ ဒါမှမဟုတ်လဲ သူတို့လို မြန်မာပြည် ပြန်မယ်ဆိုတာ ဘယ်သူမှ အသိမပေးပဲ တိတ်တိတ်လေး ထွက်သွား၊ ဒါမှမဟုတ် အသက်ကြီးသူ အဘိုး၊ အဘွားတွေအတွက် ဘာလေးများပေးလိုက်ချင်လဲလို့ အားနာပါးနာနဲ့တောင် မေးမနေဘဲ မျက်နှာပြောင်ပြောင်နဲ့ ဒီတိုင်းခပ်တည်တည် မြန်မာပြည်ကို ပြန်သွားတာမျိုး နောက်ဆို လုပ်တတ်အောင် ကျင့်တော့မယ် သိလားမမ။”

“ကိုယ့်အလှည့်၊ သူ့အလှည့် ဟုတ်လား.. မမ။ ဟင့်အင်း၊ သူတို့အလှည့်ကျ မြန်မာပြည်က ငရုတ်သီးလှော်လေး စားချင်လို့ အပြန်ယူလာပေးပါ၊ ပိုက်ဆံပေးပါ့မယ်လို့ ပြောတာတောင် ဘာပြောလဲသိလားဟင်။ ငရုတ်သီးများ ကိုယ့်ဟာကိုယ် ဒီမှာ လှော်စားပေါ့တဲ့။ ရှမ်းပြည်က လ္ဘက်ခြောက်မွှေးမွှေးလေး သောက်ချင်လို့ဆိုတော့ ဒီမှာ နိုင်ငံတကာကလာတဲ့ အမျိုးပေါင်းစုံ အကောင်းစား လ္ဘက်ခြောက်တွေရှိနေတာပဲတဲ့ ”

“တစ်ခြားလူကြုံတွေလို မသယ်နိုင်တဲ့ပစ္စည်း မသိချင်ဟန်ဆောင်ပြီး ထားပစ်ခဲ့တာမျိုးလဲ မလုပ်နိုင်ဘူး။ မတတ်နိုင်ဘူး သယ်နိုင်သလောက်တော့ သယ်ပေးမယ်။ မသယ်နိုင်တာတွေ ပြန်ပို့ပေးမယ်။ မမ ကူပို့ပေး .. သူတို့ အိမ်တိုင်ရာရောက်”

***********


“အိမ်ချမ်းမြေ့.. ”

“ရှင်… ကိုကို”

“ဘယ်လိုဖြစ်နေတာလဲ၊ ဘာတွေသုန်မှုန်နေတာလဲ၊ သောက်လေ မနက်စာတွေကော လ္ဘက်ရည်တွေပါ အေးကုန်ပြီဲ”

“ဒီပစ္စည်းတွေ ဘယ်လို သယ်ရမှန်းမသိလို့”

“ဟင်း.. မင်းဟာလေ…၊ အစထဲက တစ်ခြားသူတွေလို မသိဟန်ဆောင်နေလိုက်ပါလား။ ဒါမှမဟုတ်လဲ သူတို့လို မသယ်နိုင်တာတွေ ဘာမှ စိတ်ညစ်ခံမနေဘဲ ထားပစ်ခဲ့လိုက်ပြီးတော့ သူတို့လို မသိချင်ဟန်ဆောင်နေလိုက်ပေါ့။ သွားပြီး အစထဲက သယ်ပေးပါ့မယ်ဆိုပြီး သဘောတွေကောင်းပြနေပြီး၊ ခု.. ဘာလို့ သုန်မှုန်နေတာလဲ။ စိတ်ကလဲပျော့လိုက်တာ။ မင်းကိုလဲ ဘယ်သူမှ ကျေးဇူးတင်မှာမဟုတ်ဘူး။ သယ်လဲပေးရသေးတယ်.. ကိုယ်ကလဲ လူဆိုးဖြစ်ဦးမယ်”

“………………”

“ဟေ့ဟေ့.. ဘယ်သွားမလို့လဲ”

“business centre မှာ အင်တာနက်သွားထိုင်မလို့”

“ဘာလုပ်ဖို့လဲ၊ ”

“ပိုစ်တင်မလို့ရှင့်.. ရင်သွားဖွင့်မလို့၊ ရင်သွားဖွင့်မလို့၊ သူကလဲ အရေးထဲမှာ အမေးအမြန်းက ထူနေသေးတယ်.. ဟင်း”

ဒေါက်.. ဒေါက်.. ဒေါက်..ဒေါက်.. ဒေါက်...”

3 comments:

Phyo Evergreen said...

အစ်မက စိတ်ကြီးတယ်နော်.. ကြောက်လိုက်တာ..

Yan said...

မလေးရေ...
ရန်ကုန်က အပြန် ဧည့်မထဆန်တစ်အိတ်လောက်နဲ့ အညာထန်းလျက်ခဲ တစ်တန်လောက် သယ်ခဲ့ပေးလို့ ရမလားဟင်..
ရမလား.. ရဘူးလား..

လုပ်ပါဗျာ. ငုံးဥကို ပြောပေးပါနော်. (ပို့စ်နှစ်ခုစာအတွက် ရောပြီး ကော်မန့်ရေးလိုက်တာ.း) )

တစ်ပြည်သူ အိမ့်ချမ်းမြေ့ said...

ကိုဖြိုး
မကြောက်ပါနဲ့ကွယ်.. ဒေါက်ဖိနပ်သံကျယ်သွားတာပါကွယ်...
(မောင်လေးပျောက်နေလို့ အမက မြန်မာပြည်ပြန်နေတယ်ထင်လို့)

ကိုရန်..
container ဘိုးပေးရင် တန်ချိန်ထောင်နဲ့ချီဝယ်လာပေးမယ်တဲ့ ငုံးဥ က

LinkWithin

Related Posts Plugin for WordPress, Blogger...