မင်္ဂလာပါရှင်.. ဒီဘလောဂ်လေးကို ၂၀၀၆ သြဂုတ်လမှာ စတင်ရေးခဲ့ပါတယ်။ အခုတော့ အိမ့်ချမ်းမြေ့ဒေါ့ကွန်းမှာ စာတွေ ဆက်ရေးနေကြောင်းပါ...။
လာလည်သော လူနည်းစု မောင်နှမများကို ကျေးဇူးတင်ပါတယ်ရှင်။

Monday, September 22, 2008

မြက်ပန်းတစ်ပွင့်နဲ့ ကဗျာတစ်ပုဒ်

အနားတွေဖွာလန်ထွက်နေတဲ့ ကျုလင်ပန်းစုတ်ထဲမှာ မြက်ပန်းတစ်ပွင့်နဲ့ ကဗျာတစ်ပုဒ် ကို သယ်ဆောင်လို့ ခြေဦးတည့်ရာ ခြေတစ်စုံက သွားနေလေရဲ့ကွယ်..။
ချော့ကလက်တွေ၊ ပန်းစည်းတွေ ထည့်လိုက်တိုင်း ကျွံကျွံကျသွားတတ်လွန်းလို့ ဒီမြက်ပန်းနဲ့ ကဗျာတစ်ပုဒ်ကတော့ စကာတင် နေနိုင်ကောင်းပါရဲ့။

ကျုပ်ရင်ဘတ်တွေကော ကျောကုန်းပြင်တစ်ခုလုံးမှာပါ ရေခဲမြစ်တွေ စီးဆင်းနေသလိုပါပဲလား။
ကော်ဖီသောက်တတ်တဲ့ ရုပ် ကျုပ်မဟုတ်ဘူးဆိုတာ ရှင် ကျုပ်ကို မြင်ကတည်းက သိဖို့ကောင်းတယ်။ ကော်ဖီခါးခါးတစ်ခွက်ထဲကို သံပုရာသီး ညှစ်သောက်ရလောက်အောင် ကျုပ် မရူးသေးဘူးရှင်။ ကော်ဖီတစ်ခွက်တည်းနဲ့လဲ ဒီရေခဲမြစ်တွေ အရည်ပျော်ကျကုန်မယ် ထင်လို့လားရှင်ရယ်…။


ဘယ်အရာမဆို အကောင်းဘက်က လှည့်တွေးလွန်းတာဟာ ကျုပ်ရဲ့ အားနည်းချက်တဲ့လား။
ဒီလိုမှ မတွေးလို့ နေစရာနေရာမရှိဖြစ်ခဲ့မယ် ဆိုရင် ကောင်းကင်ထဲ တက်ထိုင်နေတဲ့လား။
သိပ်ကြီးမားတဲ့ အရာတွေ ကို သေးသေးလေးနဲ့ ပေါ့ပေါ့လေးဖြစ်အောင် ကျုပ် ရယ်မောပစ်တတ်တာ အမှားတဲ့လား။ ဂျိမ်းဂျွိုက်စ်ကိုတောင် လက်မခံနိုင်သေးတဲ့ ရပ်ဝန်းမှာ “အဟွန်း” လို့ မရယ်ရဘူးတဲ့လား။ ရှင်ပြောသမျှစကားတွေ ဒီဘက်နားက၀င် ဟိုဘက်နားကထွက်တာ ကျုပ်အတွက် ဘ၀အစစ်က ဟိုးမြေကြီးပေါ်မှာ။

ရှင်.. ဖြတ်သန်းဖူးခဲ့တဲ့ ကောင်းကင်တွေကို ရည်တွက်လိုက်မယ်ဆိုရင်လဲ နဲမှာတော့ မဟုတ်ဘူးဆိုတာ ကြယ်တွေကောင်းကောင်းသိပါလိမ့်မယ်။ ကောင်းကင်တွေ အများကြီးထဲမှာမှ နတ်ဘုရားတွေလဲ ကောင်းကင်ရဲ့ ဟိုထောင့်ဒီထောင့်တွေမှာ ဘယ်လောက်များလိုက်မလဲ၊ ဒီကောင်းကင်မှာ ဘုရားတဆူ တက်ထိုင်နေသလို ဖြစ်နေတာကိုတော့ ကျုပ်နဲနဲရှက်မိပါရဲ့။ တစ်ယောက်ထဲထပြီး အရောင်တွေ ပြိုးပြိုးပျက်ပျက်လက် မနေချင်တာ ရှင် အသိဆုံး။ အခြားသော ကောင်းကင်တွေလို မိုးညိုတာနဲ့ မရွာတတ်သလို၊ နေသာတာနဲ့ ပန်းမပွင့်တတ်တဲ့ သွေးအေးထုံပေမှုတစ်ခုဟာ ကျုပ်ကို ကယ်တင်သွားလိမ့်မယ်လို့ ယုံကြည်စိတ်ချနေတုန်း….

.......

.......
အေးစက်နေတဲ့ အုတ်တံတိုင်းထူကြီးရဲ့ တစ်ဖက်တစ်ချက်မှာ ကျောပေးပြီး ရပ်နေတဲ့ လူသားနှစ်ဦးနားမှာ ဆူညံ့အုံးထနေတဲ့ အာဖရိက ဗုံသံတွေလဲ တိတ်ဆိတ်သွားတာ ကြာပြီကောရှင်။


4 comments:

ကလိုစေးထူး said...

အေးစက်နေတဲ့ အဲဒီအုတ်တံတိုင်းကို ဖြိုခွင်းနိုင်ခဲ့ရင် ကျောပေးနေတဲ့ လူနှစ်ယောက်ဟာ ဖြစ်လာသမျှကို ကျောချင်းကပ် ရင်ဆိုင်ကြမယ့်သူတွေ ဖြစ်မှာ သေချာပြီပေါ့။ အားအင်တွေ အတွက် အာဖရိကဗုံသံတွေက ဆေးတခုလို ဖြည့်ကူပေးနေဦးမှာလေ။ အဓိကက အုတ်တံတိုင်းကြီး ပြိုဖို့ပေါ့။

ရှင်မင်းညို said...

အရမ်းသဘောကျတယ်...
တော်တော်လေးကိုကြိုက်တာ...

တန်ခူး said...

အခြားသော ကောင်းကင်တွေလို မိုးညိုတာနဲ့ မရွာတတ်သလို၊ နေသာတာနဲ့ ပန်းမပွင့်တတ်တဲ့ သွေးအေးထုံပေမှုတစ်ခုကပဲ ကျူပ်ရဲ့အလှတရား… ဒါမှမဟုတ် ကျူပ်ရဲ့ရိုးသားမှုပဲ မဟုတ်လား… မြက်ပန်းတစ်ပွင့်နဲ့ ကဗျာတစ်ပုဒ်… ရင်ထဲက ထုတ်လို့ မရအောင်ကို စွဲသွားပြီ…

မောင်မျိုး said...

ဟုတ်တယ်နော် အစ်မ ...မြက်ပန်း / ကောင်းကင် နတ်ဘုရားနဲ့  အာဖရိက ဗုံသံတွေ ဆိုတာ ကျနော်လည်းမတွေ့ တာတော်တော်ကြီးကိုကြာပြီးးးး တိတ်ဆိတ်သွားတာပဲ။

LinkWithin

Related Posts Plugin for WordPress, Blogger...