မင်္ဂလာပါရှင်.. ဒီဘလောဂ်လေးကို ၂၀၀၆ သြဂုတ်လမှာ စတင်ရေးခဲ့ပါတယ်။ အခုတော့ အိမ့်ချမ်းမြေ့ဒေါ့ကွန်းမှာ စာတွေ ဆက်ရေးနေကြောင်းပါ...။
လာလည်သော လူနည်းစု မောင်နှမများကို ကျေးဇူးတင်ပါတယ်ရှင်။

Saturday, November 24, 2007

မာယာသစ်ပင်

ပတ်ဝန်းကျင်မှ ပိုးစုန်းကြုးလေးတွေ၊ သစ်ပင်တက်ပိုးကောင်လေးတွေ၊ ခြေခြောက်ချောင်း သစ်ခြောက်ကောင်လေးတွေကို မြိန်ရည်ရှက်ရည် စားသောက်တတ်သော သစ်စိမ်းပင်အောက်မှာ သူ တွေဝေစွာရပ်နေခဲ့သည်။ စမ်းရေသံကတော့ တငြိမ့်ငြိမ့်။ အနက်ရောင်နှင်းဆီတွေအောက်မှာ ယုန်ဖြူလေးတွေ တလိမ့်လိမ့်။

သူ၏ မျက်ဝန်းအိမ်ထဲမှာ ကျောက်ဆောင်တွေ ပြိုကွဲနေသည်။
ဖူးကြွနုရွတဲ့ ခြေလှမ်းတွေနဲ့ သွေးစိမ်းရှင်ရှင်ကျနေတဲ့ အသည်းနှလုံးတစ်ခုကို ကျောက်သံပတ္တမြားတွေ စီချယ်ထားတဲ့ ရွှေလင်ပန်းပေါ်မှာ သယ်ဆောင်လျှက် စပါးခင်းကိုဖြတ်လျှက် လုံမပျိုက လှုပ်လီလှုပ်လဲ့ ခြေလှမ်းများနှင့် သူရှေ့သို့ သယ်ဆောင်လာနေသည်။


တိတ်ဆိတ်သွားတော့မယ့် သူ့တွက်သံစဉ်တွေကို
မမြင်ရဲလို့ ခုထဲက ဒီအသည်းနှလုံးကို မစားသုံးလိုဟု သူက လုံမပျိုကိုဆိုသည်။
လုံမပျိုက ကျမအသည်းနှလုံးကို စားသုံးပါလော့ဟု မျက်စိစုံမှိတ်လျှက် အော်ဟစ်ငိုယိုလိုက်သည်။ ပတ်ဝန်းကျင်မှ ငှားငှားစွင့်စွင့်ပွင့်နေသော ဖွင့်ဖတ်တွေမှာ အစူးတွေငေါထွက်နေသော နက်ပြာရောင် ပန်းပွင့်တွေ ငုံသွားသည်။ ငှက်ကလေးတွေ တဖုတ်ဖုတ် ကျလာသည်။ စမ်းရေစီးသံ ရပ်တန့်သွားသည်။ ယုန်ဖြူလေးတစ်ကောင် ရင်ကွဲသေသွားသည်။

သူ ထိတ်လန့်ကြောက်ရွံ့စွာ နောက်သို့ ခြေတစ်လှမ်း ဆုတ်လိုက်သည်။
ယောင်ယမ်းလျှက် သစ်ပင်ကို လက်ထောက်လိုက်မိသည်။ သစ်ပင်ထဲမှာ ဖြူဖွေး ချောမွေ့လှပသော၊ နှုးညံ့သိမ်မွေ့သော လက်တစ်စုံက ဖေးမ မယောင်ယောင်နှင့် သူ့ကို တွန်းထိုးလိုက်သည်။
အရှိန်ပြင်းစွာ ထွန်းထုတ်လိုက်သည်။ အားကြီးလွန်းစွာ…

သူ …. လုံမပျို၏ ရင်ခွင်ထဲကို အလဲလဲ အပြိုပြို ပြုတ်ကျသွားသည်။
သူမ၏ သွေးတွေနှင့် စိုစွတ်နေသော ရွှေရင်အုံ၌ သူမျက်နှာအပ်၍ ငိုကြွေးလိုက်မိသည်။
မျက်ရည်တွေကြားမှ သစ်စိမ်းပင်ဘက်သို့ မော့ကြည့်လိုက်သည်။ သစ်ကိုင်းတစ်ကိုင်းမှာ သူ့၏ အသဲနှလုံးက လေကြမ်းကြမ်းအောက်တွင် ယိမ်းထိုးနေသည်။

လုံမပျိုက မြက်ခင်းပေါ်မှ ရွှေလင်ပန်းနားမှာကျနေသော သူမ အသဲနှလုံးကို တုန်ယင်နေသော လက်အစုံနှင့် ကောက်ယူလိုက်သည်။ သူရဲ့ ဟာလာဟင်းလင်း ရင်ဘတ်အစုံဘက်ထိ ခပ်ဖြည်းဖြည်း ယူဆောင်လာနေသည်။ လုံမပျိုကို သူ တွန်းထုတ်လိုက်သည်။ တောင်ကုန်းလေးအတိုင်း လုံမပျို တလိမ့်ခေါက်ကွေးကျသွားသည်။

စမ်းချောင်း၏ လှမ်းခေါ်သံကို သူ ကြားလိုက်ရသည်။ အေးမြသော၊ ကြည်လင်သော ဒီစမ်းချောင်းက သူ့ကို အနက်ရှိုင်းဆုံး၊ အကျယ်ပြန့်ဆုံး ပင်လယ်ပြာတစ်ခုသို့ သယ်ဆောင်ပေးသွားနိုင်မည်ဟု သူ ယုံကြည်လိုက်မိသည်။ စမ်းချောင်းဘက်သို့ သူ လျောက်သွားသည်။ ကြည်လင်သောရေအလျင်ကို သူငေးကြည့်နေမိသည်။ ခပ်လှမ်းလှမ်းကလုံမပျို၏ တောင်းပန်တိုးလျိုးသံကို သူ ကြားနေရသည်။

သစ်ပင်စိမ်းကို သူတချက်ကြည့်လိုက်မိသည်။ လေက ခပ်ပြင်းပြင်းတစ်ချက် တိုက်ခတ်လိုက်သည်။ ချိတ်ထားတဲ့ သူ့အသည်းနှလုံးက အရှိန်ခပ်ပြင်းပြင်းနဲ့ မြေပြင်ပေါ်သို့ကျလာသည်။ ပတ်ဝန်းကျင်မှာ တစ်စစီကျဲပြန့်သွားတဲ့ သူ့အသည်းနှလုံးကို လုံမပျိုက တစ်စစီ ပြန်ကောက်ယူဖို့ ကြိုးစားသည်။ သစ်ပင်စိမ်းပေါ်က တို့လို့တန်းလန်း သံမဏိအသည်းနှလုံး၊ ပန်းအသည်းနှလုံး၊ ဖဲအသည်းနှလုံး၊ မှော်အသည်းနှလုံး၊ အတ္တအသည်းနှလုံး၊ မရွေးအသည်းနှလုံး၊ ဖော့အသည်းနှလုံး၊ ပလတ်စတစ်အသည်းနှလုံးတွေထံမှာ ဂီတသံတွေ ကြားနေရသည်။

နောက်.. ပတ်ဝန်းကျင်တစ်ခုလုံးတိတ်ဆိတ်သွားသည်။

လုံမပျိုက သူ ယူဆောင်မသွားသော သူမ၏ နှလုံးသားကို လင်ပန်းထဲသို့ ပြန်ထည့်လိုက်သည်။ သူထားခဲ့သော နှလုံးသားကြေမွမွနှင့် သူမ၏ အသည်းနှလုံးကို ၀ိုင်းရံလျှက် စမ်းရေပြင်ကို ငုံကြည့်နေသည်။ လုံမပျိုလောက် သူ့ကို ချစ်တတ်သောသူ မပေါ်သေးဟု လုံမပျိုက ကြေကွဲစွာ တတွတ်တွတ် ရွတ်ဆိုနေတော့သည်။

6 comments:

မိုးထက်နေ said...

သူတို့ နှစ်ယောက်ထဲက တစ်ယောက် က ချစ်ခြင်းကို စာလုံးပေါင်း မတတ်ရှာဘူး

Yan said...
This comment has been removed by the author.
Yan said...

အလင်္ကာလေးတွေ မြောက်တယ်ဗျာ. သက်မဲ့ကို သက်ရှိပုံစံဖြစ်အောင် တင်ပြထားတာလေးတွေကလည်း ဩဇဂုဏ်မြောက်ပါတယ်. ဒါနဲ့ မေးစရာရှိတယ်ဗျာ. ဘာကြောင့် မရွေးအသည်းနှလုံးလို့ တင်စားတာလဲ. တရုတ်ကြီးနဲ့တူလို့လား. ဟတ်ဟတ်ဟတ်. ဒါဆိုလည်း အီကြာကွေး အသည်းနှလုံး (ပျော့စိစိနဲ့နေမှာပဲ) အော်ကွေ့ကြည် အသည်းနှလုံး (စားလိုက်မှ အိသွားတာမျိုး) အီကွေး အသည်းနှလုံး (တစ်နှစ်တစ်ခါပဲ ရှားရှားပါးပါး စားရသလို ရှားပါးတဲ့ အချစ်မျိုး)၊ ပလာတာ အသည်းနှလုံး(ထပ်ခါထပ်ခါရိုက်လေ ပိုကောင်းလေဆိုသလိုပဲ များများ ခံစားပြီးမှ ငြိမ်းချမ်းခြင်းကို ရရှိနိုင်တဲ့ အချစ်မျိုး) ... ဟတ်ဟတ်ဟတ်. ဘာပဲပြောပြော ရေးထားတာလေးက ကဗျာသိပ်ဆန်တယ်. ခံစားရပါတယ်ဗျာ. Five Stars!!!!!!!!!!!!

ခွန်မြလှိုင် said...

အစားထိုးမရတဲ့ အချစ်ကြောင့် အသည်းကွဲနေသူကို ကိုယ့်အသည်းကို အတင်းထိုးပေးခြင်းဟာ အသည်းကွဲသူကို ချစ်ရာရောက်သလား ပိုကြေကွဲ ခံစားရအောင် လုပ်ရာ ရောက်သလားဆိုတာကို စဉ်းစားမိသွားတယ် မလေးရေ

ညီလင်းသစ် said...

ဒီပို့စ်လေးကို ဖတ်တုန်းမှာ စိတ်ခံစားမှုက သမုဒ္ဒရာထဲ ကရေအေးစီးကြောင်းတွေလို တငြိမ့်ငြိမ့်စီးလိုက်၊ ကမ်းကိုလာပုတ်တဲ့ လှိုင်းတွေလို တဝုန်းဝုန်းရိုက်လိုက် နဲ့ မတူကွဲပြားတဲ့ သယ်ဆောင်မှုတွေနောက်ကို အလဲလဲ အပြိုပြိုပါသွားခဲ့တယ်၊ အဲဒီအတွက်ကျေးဇူးတင်ပါတယ်။

(စကားမစပ်..ကျနော့်ဆီမှာပြောသွားသလို၊ ဝိညာဉ်တွေ နဲ့ပတ်သက်တဲ့စိတ်ခံစားမှုကိုတကယ်လိုချင်ရင် သူတို့တွေကို သေချာပေါက်တွေ့နိုင်မယ့် လိပ်စာတွေ ကျနော်သိပါတယ်၊လိုချင်ရင်ပေးပါ့မယ်...။)

MELODYMAUNG said...

သစ်ပင်စိမ်းပေါ်က တို့လို့တန်းလန်း သံမဏိအသည်းနှလုံး၊ ပန်းအသည်းနှလုံး၊ ဖဲအသည်းနှလုံး၊ မှော်အသည်းနှလုံး၊ အတ္တအသည်းနှလုံး၊ မရွေးအသည်းနှလုံး၊ ဖော့အသည်းနှလုံး၊ ပလတ်စတစ်အသည်းနှလုံးတွေထံမှာ ဂီတသံတွေ ကြားနေရသည်။
wow! so many kinds of hearts.
As for me, may be iron heart :P
Cheers! Ma lay, very nice one page story. I love it. :)

LinkWithin

Related Posts Plugin for WordPress, Blogger...